Plantun de Prouvènço

Pèr coumpara dos planto d'encò nostre

Caltha palustris & Asplenium foreziense

Gauche-d'aigo

Caltha palustris

Ranunculaceae

Àutri noum : Gauchet-d'aigo, Peirouleto, Bescuchèu, Erbo-dóu-marfoundemen.

Noms en français : Populage des marais, Caltha des marais.

Descripcioun :
Au nostre, lou gauche-d'aigo se vèi soulamen en mountagno que i'agrado lis endré fres e bagna. Douno un pau d'èr à l'auriheto, Ficaria verna, emé si flour jauno, pamens li fueio soun eici redouno, en couor à la baso, ço qu'a douna li noum de peirouleto (pichot peiròu) e de bescuchèu (pichot bescue).

Usanço :
La planto caup, coume lis àutris Ranunculaceae, de proutou-anemounino, pamens li jóuini fueio e flour podon èstre manjado. Autramen fau faire couire mant'un cop la planto o la faire seca. Èi counseiado pèr lucha contro lou mau d'os. Èi peréu sudourifico (erbo-dóu-marfoundamen), antispasmoudico e sedativo. Fretado sus la pèu levo la doulour e fai veni rouge (rubeficanto).

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Caltha
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 4 Cm
Flourido : Printems - Estiéu

Sòu : Ca
Autour basso e auto : 800 à 2300 m
Aparado : Noun
Abriéu à juliet

Liò : Riéu - Prado umido - Palun - Sourgènt
Estànci : Coulinen à Subaupen
Couroulougi : Bourealo
Ref. sc. : Caltha palustris L., 1753

Dauradeto(-dóu-Fourés)

Asplenium foreziense

Aspleniaceae

Nom en français : Asplénium du Forez.

Descripcioun :
La dauradeto-dóu-Fourés es uno planto raro au nostre que se vèi soulamen en Prouvènço séusouso e en ribo de la vallado dóu Rose. Èi proun proche de Asplenium fontanum e Asplenium obovatum que n'èi lou crousamen. Li foundo soun bèn verdo emé un countour en lanço coume Asplenium fontanum, e li pinulo un pau dentado coume Asplenium obovatum. Ramenten que Asplenium obovatum a la baso di peno que soun gaire mens longo que lis autro de dessubre, au contre di dos àutri dauradeto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 200 à 1600 m
Aparado : Noun
Remarco : A. fontanum x A. obovatum
Juilet à setèmbre

Liò : Roucas
Estànci : Coulinen à Subremediterran
Couroulougi : Éuropenco-Sud
Ref. sc. : Asplenium foreziense Legrand, 1885

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Caltha palustris & Asplenium foreziense

ges

Coumpara Gauche-d'aigo emé uno autro planto

Coumpara Dauradeto(-dóu-Fourés) emé uno autro planto